19:00h. O Bosque dos Nosos Fillos
O bosque dos nosos fillos será a peza que o Centro de Calma faga crecer o sábado ás 19.00 horas no templete da Praza Maior, para ofrecernos “unha viaxe pola nosa consciencia natural”.
O bosque dos nosos fillos
Cyan, con Cris Vilariño
O sábado ás 19.30 horas o Festival Cartografía en Movemento acollerá unha mostra do proceso creativo no que están mergullados Cris Vilariño e Diego Buceta. Esta creación, que os dous comparten e na que Cris Vilariño será a intérprete, terá como escenario a muralla, á altura da Porta de Santiago. O seu título é Cyan, e dela sabemos que nace do fascinio das nubes a moverse, dese contacto entre o azul e o branco no que todas, algunha vez, quixemos entrar… de estar nas nubes.
Para presentarla, remítennos a este maravilloso poema de Wislawa Szymborska:
Con la descripción de las nubes
debería darme mucha prisa,
en una milésima de segundo
dejan de ser ésas y empiezan a ser otras.
Es propio de ellas
no repetirse nunca
en formas, matices, posturas y orden.
Sin la carga de ningún recuerdo
se elevan sin problemas sobre los hechos.
¡De qué van a ser testigos!,
en un segundo se disipan en todas direcciones.
Comparada con las nubes
la vida parece tener los pies sobre la tierra,
se diría que es inmutable y prácticamente eterna.
Frente a las nubes
hasta una piedra parece un hermano
en el que se puede confiar
y las nubes, nada, primas lejanas y frívolas.
Que exista la gente si quiere,
y después que se mueran uno tras otro,
poco les importa a las nubes
esas cosas
tan extrañas.
Sobre toda tu vida
y también sobre la mía, aún incompleta,
desfilan pomposas igual que desfilaban.
No tienen la obligación de morir con nosotros.
No necesitan ser vistas para poder pasar.
A historia non esquecida
A dramática historia dunha nai que perde os seus tres fillos republicanos, asasinados polo bando franquista, será levada a púa por Clementine co título de A historia non esquecida.
Será ás 18.15 do sábado na Rúa do Hospital.
O mar de Mar Freire
Unha muller séntase cada tarde a mirar o mar.
Mar Freire presenta así O pequeno Malecón, que terá lugar na Rúa Soto Freire (porta lateral de O Vello Cárcere) ás 17.30.
Esa muller que se senta a mirar o mar fará que vexamos barcos e nos levará con ela ao horizonte.
Xogando con C
O interior da Estación de Autobuses é un dos nosos espazos favoritos da cidade. Alí terá lugar a peza Xogando con C ás 17.00 horas da xornada do sábado, e a cargo do grupo Elas. Xogar para aprender, para explorar(se). Xogar para ser, contigo e comigo. Xogar para vivir. Esas son as súas premisas.
Electrónica e audiovisuais, con Empty
V I B R A N C E + Freq é unha posta audiovisual composta pola unión dunha exquisita selección de fotografías mesturadas con unha posta en directo de música electrónica de corte ambient, ambos, visuais e audio, xerados por ordenador polo artista E M P T Y.
Esta peza, ademais, terá lugar nun espazo mítico da cidade, a librería Souto. Será o sábado, ás 13.30 horas!
Anxela Gracián e a memoria
Que contentas estamos de contar nesta edición coa escritora luguesa Anxela Gracián! Cando a terra foi luz será o título da súa lectura poética, o sábado ás 16.30 na Praza do Cantiño. A terra e a memoria, coma sempre, entrelazadas na súa voz, para lembrar o que cómpre ser lembrado.
A cita obrigada cos Palimoquiños
Os Palimoquiños non fallan no Festival Cartografía en Movemento. Un ano máis, esta edición contará coa súa presenza nun espazo xa por el@s moitas veces danzado, sentado, movido, interpretado: a Praza Maior. Alí estarán o sábado ás 13 horas coa súa peza Romeo pode ser unha roca e Xulieta un mapa. O único que lles interesa, disque, é amar.
A chave da rúa
O sábado, ás 12.30, o Colectivo Sereno presenta a súa intervención A chave da rúa, na Rúa do Bo Xesús. Con ela, queren abrir as portas ao extraordinario do acontecer cotiá.
Constelación da Sororidade
O sábado 28, Cartografía en Movemento comenza coa actuación do grupo Géminis titulada Constelación da Sororidade. Será ás 12.00 horas enriba da Muralla Romana, á altura do número 186 da Ronda da Muralla.
Alí buscarán os camiños converxentes 30º ao noroeste de Orión.
Cartografia en movemento 